Noticies
Branu deportivu a ritmu d’oficialidá
25 | 07 | 2010 - Esti branu los deportistes asturianos que dan la cara pola oficialidá tán recoyendo importantes ésitos nes sos respectives disciplines. Samuel Sánchez acaba de facer un impresionante cuartu puestu nel Tour de Francia, carrera na que Carlos Barredo tamién fexo dalguna etapa espectacular que quedó ensin premiu. Daniel Navarro y Benjamín Noval son parte importante del equipu Astana d’Alberto Contador. David Villa y Juan Mata fueron protagonistes mui especiales en Sudáfrica onde ganaron el Mundial FIFA, foi una pena que nun los pudiere acompañar Santi Cazorla. Y tamién hai que felicitar a Manuel Enrique Mejuto González, qu’hai poco, retiróse con una brillante carrera como árbitru internacional.
Los primeros 10.000 retratos pola oficialidá
14 | 04 | 2009 - Esti sábadu que vien preparamos en La Pola Siero una xornada d’actividaes pa festexar estes primeres 10.000 semeyes dando la cara pola oficialidá. Vamos tener partida de bolos, xuegos y cuntacuentos pa los más pequeños de la casa, y pa los grandonos. Los mozos y moces de Softastur podrán dellos equipos pa que quien quiera pueda tener la so primer esperiencia usando una computadora falando n’asturianu. Cayendo la tarde les pandereteres volverán a sosprendenos col so bon facer, acompañaes de la Banda Gaites de Siero. Y p’acabar un amagüestu con acompañamientu de música en directu.
NOTA: l’usu de la Plaza Cubierta nun ye posible, polo que delles de les actividaes programaes cambien d’ubicación.
