Presentamos les, más de, 6.000 semeyes en rueda de prensa
10 | 09 | 2008 -El Conceyu Abiertu pola Oficialidá (CAO) presentó en rueda de prensa los 6.000 retratos pola oficicialidá qu’algamó la campaña Doi la Cara nos sos primeros tres meses de presencia na rede.
Poli Mencía, coordinador de la campaña, fizo una síntesis de les cifres de la campaña ente los que destaquen el casi mediu millón de visualizaciones de la galería doilacara en Flickr. Asina como l’alta participación y implicación de la sociedá asturiana nel éxitu d’esta campaña na rede.
Aprovechó la cifra de los 6.000 retratos pa presentar los nuevos materiales de la campaña (camisetes, pegatines, cartafueyos esplicativos) col que se va entamar sacar la campaña de la rede y llevala a la cai coincidiendo coles fiestes de San Mateo n’Uviéu.
Na rueda de prensa participó tamién Fernando Ornosa, portavoz del CAO, que fizo una valoración política del actual momentu nel que s’alcuentra la reforma estatutaria n’Asturies, y criticando les declaraciones del portavoz del Grupu Socialista na Xunta Xeneral, Fernando Lastra, nes qu’afirmaba que los asturianos diben tener los mesmos derechos y obligaciones que’l restu de ciudadanos del Estáu.
Na prensa:
