Sí, puédese
25 | 07 | 2008 - Nun lo vamos negar, l’usu que ficieron de la rede los partidarios del candidatu demócrata a la Casa Blanca, Barack Obama, préstanos muncho. De candidatu prácticamente desconocíu a aspirante a ocupar la presidencia de los EUA. Esto foi posible gracies al bon usu de los preseos que la rede ufierta a los usuarios, creando redes sociales, replicando mensaxes, faciendo propia la campaña, participando, …
Cada simpatizante d’Obama foi un altavoz, un integrante más de la campaña ensin falta de vinculación orgánica o supervisión de los coordinadores de la campaña oficial.
Nel blogue de GyG faen una adaptación d’un de los vidios más conocíos d’esa campaña, Yes we can. Esti cantar foi una creación de cantante de hip-hop will.i.am de The Black Eyed Peas, inspirándose nel discursu Yes We Can de Barack Obama.
Dábemos anuncia de los primeros vidios na canal Doi la Cara de Youtube cola presencia de Jose Ángel Hevía y Carmen Gómez Ojeda. Güei aprovechamos pa presentar el llistáu de los vidios prestosos colos que vosotros collaborais cola campaña Doi la Cara pola Oficialidá
Si ficisti un vidiu, punxístilu na rede y nun ta nesti llistáu … márcalu cola etiqueta (tag) “doilacara”, ye una forma xeitosa d’agrupar conteníos rellacionaos con esta campaña.
